Yarabyinnye ata imyambaro!

Ubwa mbere mbyumva navugije induru nti aya ni amahano noneho  ubwo muri bibiliya babyina bagata imyambaro! Uwo  ni Dawidi nta wundi mvuga. Wa mugabo wabyinaga agahimbaza Imana yivuye inyuma, ndetse akaba yaragize uruhare runini mu kwandika kimwe mu bitabo by`umuziki byabayeho!

Kenshi twumva indirimbo twita iz`Imana (nkizo tujya tunyuzaho hano kuri ishimwe) ariko  ukibaza uti ese guhimbaza Imana ni iki? Ni iki cyaba  cyaratumye  Dawidi agera aho ata imyenda ye ?

 Tubiganireho!

Ibibazo mu bibazo ku bibazo

Ndabasuhuje kandi banyrubuga.
Maze iminsi ntekereza ku ijambo ibibazo. Buri munsi iyo ubyutse ukareba amakuru asigaye kuri TV cg radio na internet usanga ikivugwa ahanini ni ibibazo. Ibibazo mu miryango, ibibazo mu butunzi, ibibazo mu mashuri, ibibazo hagati y`ibihugu, . . . . Mu� buzima bwa buri munsi nabwo, ni ibibazo mu bavandimwe, umwana n`umubyeyi, ibibazo mu nshuti, . . . Noneho rero, mu matorero naho ni ibibazo. Ibi byose� bituma nibaza igitera ibi bibazo byose. Iyo witegereje usanga ibibazo byose bidaterwa n`inkoko cyangwa se inka cyangwa se indi nyamaswa runaka. Biterwa n`abantu. Nonese mvuze ko abantu aritwe bibazo, naba mbeshye? Kuko buri wese agerageje kutaba ikibazo ku bandi, m usi ibibazo byagabanuka.

Banyarubuga, ibi mubitekerezaho iki?

Wagura amafranga angahe uruhinja?

Bantu mwese mukunze gusura site  ya ishimwe no kwandika ku nyandiko zinyuranye, ndabasuhuje mbashima kandi  mbifuriza amahoro y`Imana. Nkuko mwese mubizi ino si yacu yuzuye agahinda umubabaro n`ibindi bibaza byinshi.

Mu minsi ishize  rero nagize igihe  cyo  kwihugiraho (kwikunda no kumva ko byose  bigomba kugenda uko mbishaka) noneho, niherereye  numva  ijwi rimbaza ngo  Umwana w`uruhinja  wamugura anagahe ?? Nibajije icyo bivuga ariko mbura igisubizo hafi. Nyuma y`iminsi mike  mbiganira n`inshuti yanjye  noneho ntangira gushaka  icyo nasubiza  ku  yo  nakwishyura uruhinja. Ni 100$ se, ni 1000$, 1000000$ . . . . . . . .? Naho wakomeza  wongeraho,  ntushobora  kugura umwana umwe  w`uruhinja naho wateranya ubutunzi bw`ababayeho bose, n`abazabaho! Ibaze rero noneho umuntu mukuru.

Kenshi ntidusobanukirwa ko turi ab`igiciro kinshi imbere y`Imana, ariko turibo cyane ndetse! Aho ntitwaba twibagirwa ko turi ab`igiciro cyinshi noneho  tukitotombera Imana mu bibazo . . . tubiganireho!